Partnership Deed Generator

साझेदारी सम्झौतापत्र

साझेदारी ऐन, २०२० बमोजिम “……………………” नामक साझेदारी फर्म सञ्चालन गर्न निम्न साझेदारहरू बीच मिति …………………… मा देहाय बमोजिमको सम्झौता गरियो:

1. फर्मको नाम “……………………” र कार्यालय …………………… मा रहनेछ। आवश्यकता अनुसार साझेदारहरूको सहमतिमा कार्यालय सारिन सक्नेछ।
2. फर्मको उद्देश्य …………………… रहेको छ। साझेदारहरूको सहमतिमा अन्य कानुनसम्मत व्यवसाय पनि गर्न सकिनेछ।
3. फर्म मिति …………………… देखि अनिश्चित अवधिका लागि स्थापना भएको हो।
4. साझेदारहरूले फर्ममा लगानी गरेको कुल पूँजी रु. …………………… हुनेछ। प्रत्येक साझेदारको पूँजी माथिको तालिकामा उल्लेख छ। थप पूँजी सबै साझेदारको सहमतिमा मात्र थप्न सकिनेछ।
5. फर्मको नाफा-नोक्सान साझेदारहरू बीच तालिकामा उल्लेखित प्रतिशत बमोजिम बाँडफाँड गरिनेछ।
6. फर्मको दैनिक व्यवस्थापन …………………… ले गर्नेछ। नीतिगत निर्णय, सम्पत्ति खरिद-बिक्री तथा ऋण लिने जस्ता महत्वपूर्ण निर्णय सबै साझेदारको सहमतिमा हुनेछ।
7. फर्मको नाममा बैंक खाता खोलिनेछ र सो खाता कुनै दुई साझेदारको संयुक्त हस्ताक्षरबाट सञ्चालन गरिनेछ।
8. फर्मको आर्थिक वर्ष असार मसान्त सम्म हुनेछ। प्रत्येक वर्ष हिसाब किताब तयार गरी लेखापरीक्षण गराई साझेदारहरूलाई जानकारी गराइनेछ।
9. नयाँ साझेदार भर्ना गर्न सबै साझेदारको लिखित सहमति आवश्यक पर्नेछ।
10. कुनै साझेदारले फर्मबाट अवकाश लिन चाहेमा कम्तीमा ६० दिन अगाडि अन्य साझेदारलाई लिखित सूचना दिनु पर्नेछ। अवकाश लिने साझेदारको हिसाब मिलान गरी बाँकी रकम तोकिएको समयमा भुक्तानी गरिनेछ।
11. कुनै साझेदारको मृत्यु वा टाट पल्टिएमा फर्म स्वतः विघटन हुने छैन; बाँकी साझेदारहरूले फर्म सञ्चालन गरी सम्बन्धित साझेदार वा निजको हकवालालाई हिसाब मिलान गरी हिस्सा बुझाउनेछन्।
12. कुनै साझेदारले अन्य साझेदारको सहमति बिना फर्मको व्यवसायसँग प्रतिस्पर्धा हुने व्यवसाय गर्न पाउने छैन।
13. फर्म विघटन गर्नुपरेमा सबै ऋण दायित्व चुक्ता गरेपछि बाँकी रहेको सम्पत्ति साझेदारहरू बीच नाफा-नोक्सानको अनुपातमा बाँडफाँड गरिनेछ।
14. यस सम्झौताको कुनै व्यहोरा विवाद भएमा आपसी छलफलबाट समाधान गरिनेछ, नभएमा मध्यस्थता वा सम्बन्धित अदालतमा जाने छन्।
15. यस सम्झौतामा परिवर्तन वा संशोधन सबै साझेदारको लिखित सहमतिबाट मात्र हुनेछ।
16. यस सम्झौतामा उल्लेख नभएका विषयमा साझेदारी ऐन, २०२० र प्रचलित नेपाल कानुन बमोजिम हुनेछ।

माथि लेखिएका सबै कुरा हामी साझेदारहरूले पढी बुझी, मञ्जुर गरी सहिछाप गरी दिएका छौँ।

साक्षीहरू